— 53 —
kreta api soeda bikin ia sedikit girang, sebab ternjatalah ia poenja perboeatan tida dikatahoei. Tetapi kamoedian pengrasahan kwatir dateng kombali pada Joesoef, Ali itoe waktoe tentoe masi lingloeng belon bisa bitjara betoel, itoe tjerita bahoea Ali dapet loeka katoebroek kreta api, tentoe soeda kaloear dari sangkahannja orang-orang jang dapetken Ali, tetapi bila Ali soeda baek betoel, nistjaja ia bisa tieritaken apa jang sabetotInja soeda kadjadian padanja, boleh djadi djoega ia bisa kasi katerangan siapa jang soeda rampas itoe harta maskipoen menoeroet katanja Marsina, Ali tida bisa kenalken padanja, kerna itoe waktoe Marsina karoedoengken antero badannja dengen sprei poeti. Djikaloe Ali dapet taoe siapa adanja itoe prampoean jang menjaroe djadi setannja Njai Grintil, nistjaja ia bisa tebak djoega slapa adanja itoe orang jang poekoel kapalanja dengen batoe.
Joesoef merasa tida enak aken tinggal lebi lama di itoe kampoeng. Ia laloe adjak Marsina berdami ka tempat mana baek ia pinda. Marsina kapingin pinda ka Bandoeng, tetapi Joesoef tida satoedjoe dan ambil poetoesan pinda ka Bogor.
Begitoelah Joesoef laloe beli itoe roemah di Tjiwaringin dan riasken dengen perlente, melinken biliknja jang soeda toewa belon diganti. Ia soeda niat aken bongkar itoe bilik dan ganti dengen tembok, tetapi ia belon dapet tempo boeat panggil toe-
