— 54 —
kang aken kerdjaken itoe kerdjain, maka ia laloe ambil poetoesan boeat samentara waktoe toekar sadja itoe bilik toea dengen jang baroe dan kamoedian hari baroe maoe dirombak aken toekar dengen tembok.
Itoe waktoe ia taoe di roematnja aken dateng toekang bilik, dan jia tida sekali doega kaloe Ali soeda pinda ka Bogor. Itoe boedjang prampoean, Nii Saleha, kabetoelan sekali soeda panggil toekang bilik si Katma, jang lantaran tida sempet soeda titahken si Ali lakoeken itoe pakerdjaan gampang. Boedjang ini tida kenal si Ali, maski poen soeda lama djoega ia tingga! di Bogor, ia melinken kenal si Katma.
Waktoe Joesoef masoeken autonja ka dalem pekarangan, ja lantas dapet denger soeara roesoe dalem roemah dan soeara istrinja, bertamba lagi soeara treaknja satoe gadis, anaknja Nji Saleha, jang berlari-lari kaloear bri taoe pada Joesoef apa jang soeda kadjadian dengen Marsina.
Itoe tjekekan jang Marsina dapet, soeda bikin ia sakit leher, dan boeat bebrapa hari ja tida bisa makan nasi, tetapi tjekekan pada Joesoei tida begitoe hebat. Doktor jang pande soeda semboehken itoe doea orang dari sakitnja.
„Ali tida nanti gampang terlepas dari roemah sakit Tjikeumeuh,” kata Marsina pada soeatoe hari boeat hiborken hatinja Joesoef jang moelai djadi
