— 55 —
katakoetan lagi. „Djikaloe Ali soeda semboeh dari sakitnja, tentoe ia dimasoeken dalem pendjara, sebab ia soeda berboeat kadosahan disini.”
Joesoef tida sahoetken petkataannja Marsina. Joesoef ada sedikit lebih taoe atoerannja wet. Saorang edan tida nanti dihoekoem dari ia poenja perboeatan jang tida sanoenoeh, djoega Joesoef taoe, bila Ali soeda semboeh dari gilanja, ia aken dipoelangken pada familienja, Ali sekarang soeda dapet taoe itoe resia jang soeda kadjadian pada dirinja di mesdjit roesak. Itoe setan fang sakian lama ia tida brani sangkal kabenerannja, sekarang ia baroe taoe ada Njai Marsina dan itoe barang keras jang djato di kapalanja sakoenjoeng-koenjoeng, ia baroe dapet taoe soeda dialoenken oleh tangannja Joesoef. Dalem hatinja Ali tentoe berkata, Joesoef ada satoe manoesia palsoe jang paling besar dalem doenia. Ia berlaga moerah hati dengen kasi katerangan betoel apa jang ia dapet batja dalem itoe testament, tapi hatinja jang serakah, soeda djalanken itoe penipoean, jang mana ampir-ampir mengambil djiwanja sebagi korban dari itoe katemahaan. Menginget hal ini, Joesoef djadi menarik papas dengen merasa maloe sekali. Hal ini tida sabrapa, tetapi pembalesan Ali di kamoedian hari, itoelah jang ia kwatirken.
Satiap hari Joesoef kirim orangnja ka roema sakit gila di Tjikeumeuh aken dapet taoe keadaannja Ali.
