— 57 —
permisi aken boleh masoek ka roemah sakit boeat katemoeken soeaminja.
Ali dimasoeken di satoe kamar sendirian, sedeng Katma dan Saneah laloe berdjalan poelang dengen hati sedih.
Pada soeatoe hari, koetika Saneah, sebagimana biasa satlap hari, koendjoengi soeaminja di roemah sakit, Ali laloe terangken pada Saneah bahoea ia sabetoelnja tida gila, tjoema lantaran terlaloe goesar, maka ia djadi begitoe kalap, hingga pikirannja djadi gelap. Ia tida inget satoe apa salaennja ingin mengamoek.
Saneah tida pertjaja perkataannja Ali, itoe pengakoean Saneah pikir tentoe dioega soeda kaloear dari plkiran gila. Soeda tiga bari Saneah koenjoengi Ali dan saban hari Saneah dapetken soeaminja seperti orang bisoe, tioema pertanjaan-pertanjaan jang perloe sadja Ali sahoetken. Dalem itoe tiga hari Ali tinggal diam, tida bitjara, tida soeka makan, minoem atawa isep roko, ia selaloe doedoek dengen toendoeken kapala seperti orang jang berat pikiran. Pertanjadonja Ali jang dioetjapken baroesan, Saneah tioema bales dengen manggoetken kapala, tetapi dari matanja kaliatan ada melele aer dengen deres.
„Kenapa kaoe menanggis, Saneah ?” tanja Ali.
„Ah! akoe taoe, kade merasa sedih lantaran masi doega akoe ada gila. Kaoe tida pertjaja perkataankoe bahoea akoe sabetoelnja tida gila.”
