— 59 —
seperti memboenoeh pada andjing-andjing,” kata Ali dengen gemes.
„Kenapa kaoe begitoe gemes padanja, Ali. Ia orang toch tida berdosa satoe apa. Ia panggil kaoe dateng betoelin bilik dengen tida sekali kira toekang bilik itoe ada kaoe sendiri. Toean Joesoef dan Njai Marsina soeda pinda di Bogor sebab lebih senang dengen hawa disini...?”
„Boekan lantaran iaorang soeka sama hawa di sini, tetapi sebab di Mangga Doea jaorang takoet dapet akoe poenja pembatesan.”
„Pembalesan begimana? Apa iaorang soeda berboeat sala pada kaoe, Ali? Apa boekan kita jang dapet ia poenja banjak toeloengan di tempo doeloe ?”
„Saneah, dengerlah apa jang akoe tjeritaken, dan pertjajalah omongankoe ini ada dengen sabetoeinja. Doeloe orang dapetken akoe terletak di pinggir djalanan kreta api dengem loeka berat di kapala Orang kata akoe soeda dapet itoe loeka lantaran kabentoer kreta api. Akoe djadi sakit, dan kaoe tjerita itoe waktoe kalakoeankoe mirip seperti orang gila. Sabenar-benarnja itoe waktoe akoe sendiri tida taoe apakah akoe mengimpi atawakah sabetoelnja ada kadjadian itoe perkara. Loeka di kapala jang akoe dapetken, soeda mendiadi lantaran aken akoe tida bisa berpikie betoel perkara jang kadjadian. Akoe poenia ingetan ada keras pada itoe penggalian harta dan pada setannja Nii Grintil,
