— 60 —
maka djoega kadang-kadang dateng ingetan jang sengit boeat tjoba gali lagi harta itoe. Tapi dimana tempatnja jang betoel ada terpendem, akoe tida bisa inget lagi, maka djoega dimana sadja akoe lantas maoe menggali, Itoe bajangan setan jang rampas peti oewang djoega senantiasa terliat di depan matakoe. Lantaran ingetan di kapa'akoe kalang-kaboet, tentoe sadja akoe djadi senantiasa katakoetan. Sekarang perkara soeda djadi terang. Itoe peti oewang jang akoe kenalken betoel ada di roemahnja toean Joesoef. Soeda tiga hari akoe pikirken ini perkara, dan sekarang akoe taoe betoel begimana soeda kadjadian pada dirikoe.”
Saneah djadi katarik hati dengen itoe tjerita jang mirip seperti dongeng. Itoe harta f 50,000 ia masi kagoemken, dari sebab begitoe ia laloe mendengeri lebih hati-hati pada tjeritanja Ali jang masi diteroesken.
„Saneah,” melandjoeti Ali dalem tjeritania itoe, „kaoe tentoe masi inget itoe malem kaoe ada sakit. Penjakitmoe itoe membikin akoe djadi jengkel, doahnja doekoen tida bisa berbasil. Itoe waktoe akoe inget ada satoe kitab Arab jang tergantoeng di dingding roemah, peninggalan abang Moersin, dan jang kita selaloe oekoepken sebagi barang angker. Akoe jang soeda boeang banjak oewang boeat itoe kitab, kerna saban malem Djoemahat moesti dioekoepken dengen menjan, djadi kapingin taoe
