— 61 —
isinja. Akoe soeda tetepken niatan, kaloe betoel itoe ada kitab soetji, akoe maoe minta kamandjoerannia boeat kaoe poenia penjakit dan kaloe kitab biasa, akoe niat aken djoeal sadja. Koetika akoe boeka lembarannja, satoe lipetan soerat soeda djato dari dalem lembaran kitab itoe. Akoe poengoet dan tjoema liat toelisan-toelisan Arab jang rapi. Dari sebab kapingin taoe, akoe laloe bawa soerat itoe pada toean Joesoef jang kasi katerangan bahoea soerat itoe ada testament dari hartanja satoe hadji. Hartanja jang berdjoembla f 50,000 ada terpendem di mesdjit roesak di Mangga Doea. Ia kasi katerangan begitoe lengkap dan njataken pengharepannja soepaja akoe bisa beroentoeng dapetken harta itoe, hingga akoe pertjaja toean Joesoef jang soeda hartawan tida nanti serahken harta itoe. Malemnja poekoel sapoeloe, dengen tida kasi taoe pada kaoe, sebab dipesen, akoe laloe berangkat ka itoe mesdjit, Di Gang Gardoe akoe dapet liat bajangan poetih jang akoe sangkahken setan, tapi akoe braniken hati dan teroes gali itoe harta di mesdjit roesak. Sasoeda dapet itoe peti dan boeka toetoepnia, dimana kaliatan ada berisi banjak oewang perak dan emas, sakoenjoeng-koenjoeng akoe denger soeara tertawa dan di depankoe berdiri satoe setan prampoean jang karoedoengi badannja dengen kaen poetih. Akoe sangka itoelah setannja Nji Grintil, hingga akoe djadi katakoetan sanget. Waktoe ia maoe ambil
