— 64 —
„Tiga hari lamanja akoe doedoek dalem ini kamar dengen tida makan dan tidoer. Tiga hari lamanja akoe koempoelken pikiran boeat inget satoe-satoe kadjadian di itoe mesdjit roesak. Dan tiga hari lamanja akoe pikirken tara begimana akoe moestl membales itoe sakit hati,”
„Ali, biarlah inget pada kita-orang. Kaloe kaoe djadi kenapa-napa, lantaran kaoe poenja perboeatan membales sakit hati kataoean, apalah nanti djadi dengen dirikoe dan iboekoe jang soeda toea ?” kata Saneah dengen sedih.
„Pembalesan itoe nanti berdjalan dengen tangan semboeni,” kata Ali. „Kaoe tida oreah kwatir, kita poenja perboeatan tida aken kataoean, itoe doea bangsat bisa dibikin mati dalem doea minggoe. Tadi pagi akoe soeda bitjara sama djoeroe pendjaga, soepaja akoe dikaloearken sadja dari ini roemah sakit, sebab akoe soeda tida gila, tapi itoe djoeroe pendiaga tida bisa loeloesken, ia melinken bisa kasi kaloear sasoeatoe orang gila disini dengen perkenannja doktor kapala jang dateng doea atawa tiga minggoe sakali. Dari sebab begitoe, perloe pakerdjaan ini dibikin seleseh oleh kaoe sendiri.”
Saneah angkat moekanja dengen terkedjoet.
„Akoe?” ia kata dengen heran, apa akoe bisa berboeat dalem itoe perkara ?”
„Kaoe moesti masoek djadi boediangnja Njai Marsina. Siapa jang soeda tjari katerangan di
