— 65 —
roemahnja Joesoef fatsal akoe poenja pengamoekan disitoe ?”
„Abang Katma,” sahoet Saneah.
„Nah, kaloe begitoe Njai Marsina tida kenalken pada kaoe. Boekankah di Betawi sedari akoe bantoe kerdja pikoel aer di roemahnja Joesoef, tida ada jang kenalken kaoe sebagi istrikoe ”
„Ja salaennjn koki Min jang sering dateng di roemah kita boeat panggil kaoe, tida ada jang kenalken akoe, sebab akoe belon perna dateng di roemahnja toean Joesoef dalem itoe doea boelan sedari kaoe moelai kerdja padanja.”
„Tapi akoe tida liat koki Min ada di roemahnja si Joesoef di Tjiwaringin. Di dapoer akoe tjoema dapet liat ada doea prampoean toekang mhasak, jang satoe soeda toewa dan jang satoe lagi masi prawan. Djadi kaloe kaoe dateng minta kerdjaan, tentoe ia tida taoe jang kaoe ada akoe poenja istri. Pergilah besok pagi ka roemahnja si Joesoef dan minta kerdjain djadi baboe dengen gadji menoeroet soekanja, asal sadja kaoe bisa kerdja disitoe. Tiga hari atawa saminggoe sakali kaoe moesti dateng kasini, akoe nanti kasi prenta-prenta begimana kaoe moesti djalanken itoe pembalesan.”
Pertama Saneah tida soeka berboeat begitoe tapi kamoedian ia trima djoega kahendak soeaminja.
HARTA
5
