— 67 —
VII.
SATOE SOBAT LAMA.
Doea minggoe kamoedian sasoedanja terdjadi itoe kariboetan, Marsina dan Joesoef ada pergi djalan-djalan ka Kota-Batoe, dimana ada satoe tempat mandi jang indah, aken hiboerken iaorang poenja jati. Joesoef poenja katakoetan aken dapet Ali poenja pembalesan lebih djaoe, ada banjak lebih besar dari ‘Marsina, Joesoef taoe djikaloe Ali soeda semboeh dari sakitnja, ia nanti dianterken poelang dan Joesoet kwatir Ali nanti dapet inget lagi perkara itoe harta, kamoedian landjoetken poela ia poenja sakit hati padanja. Tetapi Marsina tida pikir sampe disitoe, ia masi pertjaja bahoea sasoedanja Ali kaloear dari roemah sakit, ia nanti ditoentoet di pengadilan boeat ia poenja perboeatan tjoba mamboenoe doea djiwa. Kadang-kadang selagi doedoek sendirian di waktoe malem, Joesoef djadi terkedjoet djikaloe dapet denger soeara tikoes berkresek, sebab hatinja senantiasa bertjoeriga Ali semboeniken diri dale roemahnja dan nanti kaloear kaloe soeda sepi aken bikin abis ia poenja djiwa.Itoe katakoetan semingkin hari semingkin besar, hingga di waktoe tidoer Joesoef bisa mengimpi ditikem oleh si Ali. Ia kapingin aken pinda ka tempat djaoe, tetapi ia poenja istri kawin dan anak-anak di Tjimanggis, boekan ada perkara gamgang aken dipindahken, sebab itoe roemah di Tji-
