— 71 —
„Toean djangan kwatir,” sahoet Marsina. „Saja poenja masakan tida enak, tapi kita poenja koki baroe, Itoe si Moerlaja, nanti bikin masakan Olanda jang sedep, dan toean tentoe diam-diam djoega soeda poedji betoel ia poenja masakan. Apa tida begitoe ?”
„Ja, soenggoe akoe poedji ia poenja masakan,” sahoet Joesoef, dan sembari kata begitoe ia inget djoega katjantikannja Moerhaja jang senantiasa katoetoepan oleh konde jang adoek-adoekan satiap hari, moeka jang mesoem, dari sawang asep dan pakean jang kotor bekas aboe dapoer.
Sembari omong-omong auto didjalanken dengen perlahan dan tida lama lagi soeda sampe di roemahnja. Marsina lantas sadja masoek ka dapoer, bri prenta pada koki Moerhaja aken bikin masakan jang enak-enak, sedeng pada baboe Saleha, Marsina titahken sediaken kamar jang bersi.
Betoel lotjeng di pertengahan depan baroe mengoetaraken djam lima satengah sore, satoe dogkar telah brenti di pintoe pekarangan, dari kandaran mana laloe toeroen satoe anak moeda jang berdandan tjakep. Joesoef bersedia aken samboet tetamoenja itoe, sedeng Marsina titabken Saleha angkat koffernja itoe tetamoe ka dalem kamar dimana tetamoe itoe aken nginep.
„Ah, Darmo,” kata Joesoef pada tetamoenja sambil tepok-tepok belakang orang, „kaoe poenja dasi
