— 72 —
merah bikin akoe inget lagi pada itoe waktoe jang kita baroe abis lepas sekola dan bikin perdjalanan ka Bandoeng.”
„Banjak kali akoe pake dasi begini, tapi tida mengandoeng maksoed satoe apa, maski poen pada adat bangsa Europa dasi begini ada berarti satoe djedjaka jang maoe tjari toendangan.”
„Sekali poen begitoe, toch tida bikin kaoe djadi salah," kata lagi Joesoef sambil silahken tetamoenja doedoek. „Kaoe toch belon beristri, dan boekankah baek sekali kaloe dengen itoe dasi kaoe dapetken satoe toendangan di ini tempat dingin?”
„Achir-achir akoe mengalamin lagi kaoe poenja kakotjakan,” kata Darmo jang ingin tida dipandjangin halnja itoe dasi.
Sabelonnja tjerita lebih djaoe, biarlah kita toetoerken siapakah adanja itoe si Darmo, atawa Soedarmo.
Ia ada anak boengsoe dari Raden Jaka Soedarmo, wedana pensioen di Betawi. Dengen onkostnja Ini ajah Raden Aria Soedarmo dikasi masoek sekolah dari H.I.S. sampe di sekolah H.B.S., dan sasoedanja brenti dari ini sekolah, ia masoek ka sekolah K.W.S., tapi la tida teroesken, hanja masoek kerdja dalem kantoor Burgerlijke Openbare Werken (B.O.W.). Dalem sedikit tempo sadja la soeda didjadiken opzichter dan dikirim ka Djambi, tapi
