— 73 —
disana ia tida tinggal lama, maka koetika balik ia laloe dikirim ka Bogor berhoeboeng dengen maksoednja Gemeenteraad aken loeasken itoe kota.
Soedarmo baroe beroesia 25 taon, pengawakannja tegap, koelitnja poetih, idoengnja mantjoeng samentara matanja djeli sekali. Ia poenja potongan moeka jang tiroes dengen moeloet jang ketjil, ada meroepaken paras jang bagoes, apapoela senjoemnja jang terboeka dengen kasi liat giginja jang rata dan poetih, nistjaja bisa bikin birahi pada hatinja orang prampoean jang tida tegoeh. Djlkaloe Soedarmo berpakean jas terboeka warna aboe-aboe dan topi pet jang besar, nistjaja orang tida nanti kira bahoea Soedarmo ada saorang toeroenan Djawa toelen. la ada banjak mirip dengen potongan Europa.
Waktoe beromong-omong dengen Joesoef, Marsina laloe kaloear dan Soedarmo sigra bangoen berdiri sambil oendjoek hormatnja, kamoedian dengen bahasa manis laloe menanjaken kewarasannja itoe njonja roemah jang Darmo pandang seperti Joesoef poenja istri. Marsina tida toeroet omong-omong disitoe, sasoedanja bri prenta pada Saleha aken sadiaken thee dan koewe-koewe, ia sigra masoek kombali ka roewangan dalem, tetapi dengen diam-diam hatinja Marsina memoedji pada katjakepannja itoe lelaki.
Koetika lat Marsina masoek kombali, Darmo
