— 74 —
laloe bitjara dengen perlahan pada Joesoef dengen kata bahoea Joesoef bisa sekali pilih penghiboer hati jang begitoe tjantik.
laorang beromong-omang banjak sekali tentang roepa-roepa perkara, sampe lotjeng mengoetaraken djam 7, tatkala mana Marsina laloe oendang soeami dan tetamoenja bersantap.
Di atas medja pandjang sôeda teratoer roepa-roepa makanan jang masi mengeboel asepnja, dan siarken baoe jang sedep dari satoe-satoe makanan itoe, hingga membangkitken napsoenja orang-orang Jang maoe doedoek makan.
Joesoef doedock di tengah medja, Marsina di sabelah kiri soeaminja dan Soedarmo di sabelah kanannja Joesoef.
Baroe sadja dabar bebrapa roepa masakan, lantas djoega Soedarmo memoedji pandjang lebar atas kapandeannja orang jang kerdjaken itoe masakan, sedeng matanja Darmo jang penoe kagirangan dan rasa toeroet beroentoeng, sabentar-bentar ada ditoedjoeken pada Joesoef. la ini mengarti bahoea Darmo ada kira itoe masakan ada bikinannja Marsina, maka lantas djoega Joesoef kasi katerangan baboea la baroe dapetken satoe koki moeda jang soeda perna berkerdja pada bebrapa orang Europa dan Tionghoa, hingga mengarti betoel tentang masak-masakan Olanda dan Melajoe. Darmo mengarti ia poenja doegaän soeda kliroe, tetapi ia
