— 75 —
poenja poedjian tida djadi koerang pada itoe koki.
Boeat Marsina itoe pengakoean dari Joesoef ada meroegiken, sebab Marsina poenja diam atas Darmo poenja poedjian-poedjian ada berarti bahoea la kapingin itoe doegaän tinggal tersimpen teroes boeat dirinja. Itoe roepa tida senang ada kaliatan pada parasnja Marsina, hal mana Joesoef lantas dapet taoe, maka ia lekas poeter omongan aken bikin Marsina loepa itoe perkara.
Sambil bersantap Joesoef dan Darmo tida brentinja bitjaraken ini dan itoe, tempo-tempo dengen kotjak, hingga laorang bertiga djadi tertawa bergelak-gelak. Marsina tjoema toeroet bitjara sedikit sadja, maski poen hatinja kapingin bitjara banjak. Di Itoe tempat doedoek jang berhadep-hadepan dengen Darmo, Marsina rasaken seperti banjak doerinja, hingga ia tida bisa doedoek tetap. Darmo poenja tertawa lang keras tempo-tempo ada mengedjoetken batinja Marsina, apa lagi dļikaloe matanja bertemoe dengen matanja Darmo lantas sadja hatinja Marsina djadi bergontiang.
Apakah Marsina 'ada djato tjinta pada Darmo? Itoelah kita tida beran kaloe kita inget Marsina itoe dari mana asalnja.
