— 76 —
VIII.
MALEM JANG MENOETOEP HATI.
Moelai dari itoe hari Darmo djadji menginep di roemahnja Joesoef.
Satiap pagi djam toedjoe di depan roemahnja Joesoe! tentoe ada menoenggoe tiga orang Boemipoetra, satoe roepanja ada djadi kapala dan jang doea sebagi koell pengangkoet perkakas oekoer tanah. Itoelah ada orang-orangnja Darmo, dan pada waktoe begitoe Darmo biasa berangkat ka tempat pakerdjaännja. la poenja poe'ang tida tentoe, tempo-tempo siang dan tempo-tempo sampe malem.
Sedari Darmo menginep di itoe roemab, Joesoef djadi loepa sama sekali halnja si Ali, la poenja rasa takoet jang begitoe besar, sekarang djadi linjap seperti awan katioep angin. Satiap hari la selaloe bergirang, apapoela djikaloe ia sedeng doedoek berdoea sama Darmo sambil beromong-omong tentoelah Joesoef loepa apa jang soeda kadjadian baroe ini pada dirinja.
Hari pertama kalakoeannja Darmo selaloe bergoembira, ia soeka sekali beromong banjak, atawa menoetoerken perkara-perkara jang Joesoel belon taoe. Iaorang masoek tidoer sampe djaoe malem. Tetapi pada hari kadoea, Darmo jang sengadja poelang siang-slang, lebih soeka berdiam lama di kamarnja. la poenja kalakoean poen senantiasa ada bimbang.
