— 77 —
Waktoe Marsina sedeng bantoe masak di dapoer, banjak kali Darmo dateng disitoe dan sengadja omong-omong perkara masakan.
Maski poen Marsina masi sedikit maloe-maloe aken bertjakepan dengen itoe djedjaka, tetapi Darmo tida perdoeliken itoe, hanja toeroetin sadja la poenja adat kabiasaän jang soeka mengobrol. Boleh djadi djoega Darmo poenja sering-sering pergi ka kakoes boekan ada maksoed jang betoel, hanja poera-poera, soepaja sering liwat di dapoer atawa kaloe kasomplokan dengen Marsina, djadi dapet tempo aken beromong-omong.
Di waktoe bersantap Darmo kallatan napsoe sekali dahar apa jang disadjiken, tetapi ia tida banjak membanjol atawa menjeritaken ini itoe seperti kamaren, dan kadang-kadang matan'a mengawasi lama pada Marsina, seperti orang jang kapingin taoe hatinja orang jang ia awasi. Marsina jang djadi semingkin bergontjang hatinja, tjoba oempetken sabrapa bisa rasa hatinja itoe, soepaja tida djadi kentara pada soeaminja. Tetapi Joesoef jang pertjaja pada kasatiaän itoe sobat dan katjintaännja Marsina padanja, sama sekali tida taro doegǝän apa itoe sobat dan plaraän ada menaro tjin'a satoe sama laen.
Itoe malem kalakoeannja Darmo kaliatan ada amat bimbang. Ia tida bisa doedoek lama aken beromong-omong sama Joesoef, sabentar-bentar ia
