— 6 —
autonja. Marsina tida samboet Joesoef di tangga roemah.
Di dalem Joesoef dapetken Marsina sedeng doedoek beromong-omong sama satoe njonja Europa, soedagar barang mas-inten.
„Kabetoelan toean dateng,“ kata Marsina sembari bangoen, „ini njonja Lerroi dari toko van Arcken ada bawa barang-baranng bagoes jang tokonja baroe trima, dari Europa. Saja sedeng tawar ia poenja sapasang giwang brilliant dan satoe peniti taboer. ...“
„Brapa harganja?“ tanja Joesoef dengen tjepet.
„Tida mahal toean,” kata njonja Lerroi. „ini sapasang giwang kita dapet harga dari toko f 2000 dan ini peneti f 3000.”
„Djadi f 5000 boeat itoe doea roepa barang?” kata Joeooef dengen keroetken djidat, „Ach! Marsina, belon brapa lama akoe soeda beliken kaoe sapasang giwang dan peniti taboer, boeat apa beli lagi?”
„Ja, tapi toean beli terlaloe ketjil,” sahoet Marsina sembari oendjoek ia poenija tingka jang aleman.
„Akoe tida bisa beliken kaoe itoe barang-barang jang berharga mahal,” kata lagi Joesoef, „kaloe kaoe maoe djoega, biarlah samoea barang-barang moe didjoeal doeloe dan oewangnja boeat beli itoe doea roepa barang, sakoerangnja akoe tamba.”
