— 78 —
bangoen dan pergi ka blakang, dimana Marsina masi mandɔorken koki dan baboenja babena, atawa sedeng doedoek di roewangan belakang sambil mengoenja sirih. Itoe kalakoean djadi kentara sekali di matanja Marsina, jang tida merasa sangsi lagi aken doega bahoea djedjaka itoe telah diato tjinta padanja. Marsina merasa beroentoeng sekali aken hal ini, dan la harep dalem sedikit hari lagi Darmo nanti njataken tjintanja itoe, boeat mana Marsina soeda ambil poetoesan aken tida menampik.
Kenapalah djoega la moesti menampik? Betoe sekali Joesoef poenja paras tida djelek, djoega belon toewa, tapi ia ada toeroenan Arab; itoe warna koelit jang item, menambaken segala tjatjat, dan salaennia begitoe, Joesoe' ada lebih toewa dari Darmo, soeda mempoenjal bebrapa anak, sedeng Darmo warna koelitnja poetib, brangkali sama poetihnja dengen koelitnja Marsina, dan la masi moeda, serta belon mempoenjai istri.
Marsina poenja hati jang moeda telah bilang, sahandenja la moesti dilepas oleh Joesoef lantaran kataoean la poenja pertjintaän dengen Darmo, toch ia senang hati ikoetken itoe djedjaka, maskipoen miskin. Ia toch ada poenia barta sendiri jang terdapet dari itoe poesaka pendeman. Itoe harta tjoekoep banjak aken ia bidoep senang sama satoe djedjaka miskin jang ia nanti onkostken
