— 81 —
Tetapi Darmo tida dapet taoe jang dirinja sedeng di-intip oleh Marsina.
Marsina soeda awasken kalakoeannja Darmo, jang itoe waktoe keadaännja seperti orang jang tertindih oleh pengrasaän berat, dan kaloe Marsina tida sabar, tentoe ia soeda ketok pintoe kamarnja Darmo aken hampirken djedjaka ini dan angkat itoe tindihan. Tetapi Marsina tida berboeat begitoe, ia pikir masi ada tjoekoep tempo, sebab toch Darmo nanti menginep di roemahnja paling sedikit doea minggoe, maka dalem tempo sabagitoe la nanti bisa atoer djalan jang lebih aloes soepaja Darmo sendiri nanti njataken tjinta padanja. Itoelah sebabnja maka Marsina tinggal berdiri di depan djendela katja dan awasken tingkanja Darmo, sampe djedjaka ini merasa lelah dan bangoen boeka pintoe dengen perlahan. Itoe koetika Marsina tjepet melariken diri ka kamarnja, jang pernanja berdamping dengen kamarnja Darmo, jaitoe pada bagian sabelah belakang. Marsina kapingin tida dapet dikatahoei oleh Darmo, maka ia lekas lari masoek ka kamar sendiri. Itoe soeara kaki jang terboeroe-boeroe ada dapet didenger tegas oleh Darmo. Satelah pintoe soeda terboeka, Darmo lekas tondjolken kapalanja, dan mengawasi ka djoeroesan pintoe jang menemboes ka kamar-kamarnja itoe koki dan baboe. Tetapi la tida dapet liat satoe manoesia. la ham-
HARTA
6
