— 86 —
itoe lelaki, „tapi brangkali boekan dingin lantaran abis mandi, hanja lantaran katakoetan. Apa kaoe takoet padakoe, Moerhaja?”
Moerhaja gojang kapalanja.
„Begitoe memang patoetnja,” kata itoe lelaki dengen girang. „Moerhaja, baroe ini pagi akoe dapet bitjara padamoe, dapet pegang tanganmoe dan dapet liat matamoe jang bagoes. Kenapa baroe ini pagi akoe berichtiar aken bertemoe padamoe berdoeaän disini ? Tentoe kaoe maoe tanja begitoe, sebab ada banjak koetika djlkaloe akoe maoe bikin ini pertemoean. Itoelah betoel Moerhaja tetapi tidalah sama seperti ini waktoe, dimana kita-orang poenja hati soeda sama-sama taoe, Djoega, tidalah sama seperti di ini tempat, dimana tida saorang dapet taoe atawa dapet denger kita-orang poenja bitjaraän. Tjoba kaoe tida berkerdja di ini gedong, tjoba akoe katemoeken kaoe di satoe desa, tjoba sahandenja kaoe tida rendaken diri aken djadi toekang masak, atawa sedikitnja kaoe ada anaknja saorang pantes-pantes, nistjaja akoe tida maoe bikin ini pertemoean dengen semboeni, nistjaja akoe soeda lamar padamoe dengen berterang, nistjaja sedikit hari lagi kita-orang soeda menikah. Keadaänmoe jang sekarang, bikin akoe kwatir boeka ini resia, sebab djikaloe toean Joesoef dapet taoe nistjaja....”
Sabelonnja oetjapken abis itoe perkataän, Moer-
