— 87 —
haja angkat moekanja dengen mendadak, dan dari kadoea matanja ada kaliatan bebrapa ketes aer mata jang melele di kadoea pipinja.
„Kaoe menangis, Moerhaja ?” tanja itoe lelaki dengen menjesel. „Djadi kaloe begitoe sasoenggoenja kaoe djoega ada tjinta padakoe? Tapiakoe heran apa sebabnja kaoe menangis. Akoe tida bilang keadaänmoe jang begini renda bikin halangan aken akoe menikah padamoe.”
„Tapi, Neng....” kata Moerhaja dengen soeara pelahan.
„Bitjaralah Moerhaja, kaoe poenja soeara bikin senang batikoe,” kata itoe lelaki.
„Neng tjoema perloe katemoe saja boeat kasi tape itoe kakatjekan, Neng dan saja. Itoe hina dan terhormat, itoe kaja dan miskin. Djadi saja menjesel kenapa tadi Neng tida lekas oesir saja. Saja lebih soeka menanggoeng sengsara boeat impiken Neng saoemoer idoep, biarnja tida bisa katemoe, biarnja tida bisa kawin. Seperti sekarang Neng soeda omong, djadi Neng bikin itoe barang jang memboengkoes hati saja d
jadi petjah, dan tentoelah tida saorang sanggoep bikin betoel kombali. Saja sesalken Neng, sedeng soeda taoe saja ada satoe hoedjang toekang masak, maoe djoega Neng bitjara sama saja.”
Akoe oelangken kombali, Moerhaja, jang akoe tida ada halangan boeat menika padamoe, tapi
