— 7 —
„Saja tida maoe begitoe,“ kata Marsina dengen tjemberoet. „Salaennja begitoe, saja poenja doea tjtntjin dan doea gelang soeda digade.”
„Ha?” kata Joesoef dengen moeloet terboeka. „Kaoe bikin apa sama oewangnja, dan kaoe boewang kamana oewang jang akoe kasi saban boelan?“
Marsina tida menjaoet, ia takoet bilang jang saban hari ia ada berdjoedi besar sama njonja-njonja Tionghoa hartawan di kota.
Joesoef oelangken kombali pertanjannja jang tadi, sedeng roepania kaliatan marah. Achir-achir Marsina mengakoe djoega dengen kasi alesan bahoea lantaran kaloe siang tida betah tinggal di roemah, djadi ia tjari hiboeran dengen doedoek berdjoedi di roemak-roemahnja orang Tionghoa.
„Moelai dari ini hari kaoe tida boleh berdjoedi lagi,” kata Joesoef sembari mengantjem.
Tjoeatja soeda moelai gelap, lampoe-lampoe laloe dipasang. Njonja Lerroi jang liat barangnja bakal tida dibeli, sigra permisi poelang. Marsina kaliatan tida senang hati sama toeannja, ia masoek ka kamar dan moelai menangis. Joesoef djadi kesel, ia doedoek di serambi belakang roemahnja dengen toendjang djanggoet. Ia inget brapa riboe oewangnja soeda kaloear boeat Marsina, tetapi itoe samoea tentoe ia tida boeat seselan kaloe di-
