— 88 —
sabelonnja ada djalan jang baek, biarlah kaoe satoedjoe djikaloe kita poenja perhoeboengan jang dimoelai dari ini pagi, dipegang resia, soepaja tida ada laen orang dapet taoe, katjoeali iboemoe.”
„Katahoeilah olehmoe, Moerhaja,” berkata lagi itoe lelaki. „bahoea akoe ada merdika dari ajah boeat tjari istri sendiri. Hatikoe tida tinggi. Kaoe poenja kamiskinan jang memaksa kaoe djadi toekang masak, tida bikin akoe merasa renda boeat ambil kace djadi istrikoe, malah bikin akoe merasa lebih enak boeat toeloeng angkat padamoe dari ini keadaan.”
Moerhaja pegang tangannja Itoe lelaki dan angkat moekanja ka atas. Aer mata jang tadi mengalir, sekarang linjap dan terganti dengen tjahia jang menjataken girangnja hati. Ia angkat moekanja dan oendjoek senjoem jang manis pada itoe lelaki, hingga ia ini tida bisa tahan hatinja jang penoeh tjinta. Dengen pelahan la peloek badannja Moerhaja dan tindes bibirnja gadis itoe dengen bibir sendiri.
Moerhaja lepasken badannja dari peloekan dan melarikan diri.
Tatkala sampe di dapoer Moerhaja dimarahken oleh iboenja, jang kataken Moerhaja soeda mandi terlaloe lama, sedeng matahari soeda terbit sedikit tinggi, waktoenja aken Moerhaja bikin sedia kopi, soesoe dan roti boeat toean Joesoef, Marsina dan itoe tetamoe.
