— 89 —
Moerhaja kerdjaken itoe dengen sabentaran sadja, dan koetika Saleha bawa itoe ka medja makan, ja denger di loear Marsina dan Joesoef lagi bitjara sama saorang prampoean laen. Saleba laloe pergi ka depan, sekalian oendang madjikannja dahar kopi.
Di depannja Marsina dan Joesoef, di atas djoebin ada doedoek saorang prampoean jang badannja koeroes dan moekanja sedikit poetjet, menjataken la menanggoeng banjak sedih, sedeng dari pakeannja jang rombeng dan tida ditambel, ada menjataken prampoean itoe poenja kamiskinan jang sanget.
„Kaoe orang dari mana ?” tanja Marsina.
„Dari Mester, njonja,” sahoet itoe prampoean dengen lagoe soeara Betawi.
„Kenapa kaoe sampe disini, apa sebabnja kaoe djadi terlantar. Di Mester kaloe kaoe maoe kerdja tentoe banjak kerdjaän di gedong-gedong Blanda.”
„Brangkali bisa dapet kerdjaän disana, nionja, tapi sekarang saja tida koeat djalan kaki sampedi Mester. Sedari kemaren sore saja tida makan, sebab tida ada poenja oewang satoe cent lagi. Maoe pegi minta-minta tentoe orang tida kasi, sebab badan saja masi seger, masi bisa kerdja. Lebih baek kaloe bisa dapet saja kerdja sadja disini, sekalian toempangken dlri saja jang tida poenja sanak fa-
