— 92 —
X.
RESIA JANG TERBOEKA.
Djikaloe matahari sedeng sorotken sinarnja jang keras di waktoe lohor, tidalah ada tempat jang lebih senang dari pada menedoeh di bawah poehoen besar jang daonnja lebet. Boekanlah sadja manoesia ada berpikiran begitoe, tetapi djoega binatang-binatang ada taoe ini kasenangan. Dengerlah di waktoe lohor begimana merdoe itoe boeroeng-boeroeng menjanji dalem papoehoenan jang lebet sembari terbang dari satoe tjabang ka laen tlabang, liatlah itoe andjing-andjing jang tidoer njenjak di atas roempoet tebel di bawah tedoebnja poehoen sambil golerken kapalanja. laorang ada machlock jang merdika, tida teriket oleh soeatoe kawadjiban atawa pakerdjaän, maka tidalah soeatoe apa jang menganggoe kasenangannja. Tetapi adalah djoega manoesla jang sembari memikoel pakerdjaän merasaken itoe kasenangan. Soedarmo, itoe opzichter jang blasa kerdja berat, taoe baek begimana senang djikaloe sasoedanja berkerdja tjape di bawah sinarnja matahari jang panas, dateng menedoeh di bawahnja pepoehoenan Jang lebet sambil dengerken njanjiannja boeroeng-boeroeng di atas tjabang poehoen dan rasaken menloepnja angin aloes jang sedjoek.
Begitoelah soeda terdjadi di hari Rebo, itoe hari jang Soedarmo belon perna rasaken dirinja begitoe
