— 93 —
senang. Satoe paal satengah djaoenja la soeda berdjalan mengoekoer tanah dengen menahan lelahnja badan jang terdjemoer teroes-meneroes di panasnja matahari. Achirnja sampelah la di soeatoe tempat, di atas satoe boekit ketjil, dimana ada toemboe banjak poehoen besar-besar. Itoelah ada soeatoe tempat jang bagi Darmo, ada sebagi astana dimana la bisa senangken dirinja sasoeda berkerdja tjape. la poenja tiga koell poen toeroet rasaken itoe kasenangan sambil rebahken diri di atas roempoet tebel dan pentang badjoenja soepaja badannja tertioep angin. Darmo sendiri pilih satoe tempat jang mengadepi pada satoe solokan, dimana ada mengalir deres aer jang bening. Sasoeda boeka la poenja badjoe locar jang soeda basa dengen karinget, Darmo laloe senderken badannja di pongkot poehoen besar, sambil matanja memandang ka itoe solokan dimana ada mantjoer aer dari satoe pantjoeran bamboe jang ditoentjapken ka dalem tanah dipinggir boekit jang djoerang. Di bawah pantjoeran itoe ada doedoek satoe gadis jang sedeng menjoetji pakean. Ia melinken memake kaen jang di-iket sawates dadah, tetapi tida loepoet ada kaliatan djoega dengen njata la poenja boeah dadah jang seger dan montok. Koelitnja gadis itoe tida item, pengawakannja tinggi, tetapi tida gemoek. Darmo tida bisa dapet liat teges parasnja gadis itoe, kerna la mengadepi pada itoe pantjoeran dan
