— 94 —
sedeng asik menjoetji. Tedoehnja papoehoenan Jang melindoengken ia dari panasnja matabari, membikin ia tida merasa lelah dalem pakerdjaännja itoe.
Darmo tida merasa perloe aken liat teges parasnja itoe prampoean moeda jang la tida taoe batinnja, tetapi potongan badannja itoe prampoean dan keadaännja sedeng memake kaen sadja, membikin Darmo inget pada itoe kadjadian di waktoe pagi har! tatkala ia mendekem di podjokan aken intipi Moerhaja mandi di kali di belakang roemahnja Joesoef. Darmo meremken matanja, dan kenangken keadaännja Moerbaja jang menarik sanget pada hatinja.
Darmo soeda menginep ampat malem di roemahnja Joesoef dan soeda perna beradoe mata tiga kali pada Moer haja. Kenapa Darmo, satoe anak moeda jang terpladjar tinggi, satoe opzichter jang besar, satoe Raden dan anaknja bekas satoe wedana, maoe perhatiken pada satoe koki jang berderadjat renda ? Inilah pembatja tentoe merasa heran djikaloe tida taoe begimana potongan dan parasnja itoe koki, Moerhaja, anaknja njai Saleha.
Itoe malem sebagimana soeda ditjeritaken, Darmo soeda bersantap sama sama Joesoef dan Marsina, dimana Darmo memoedji-moedji kapandeannja orang jang bikin itoe masakan ledzat, dan Joesoef Jang tida kapingin Marsina dipoedji boeat per-
