— 95 —
boeatan jang boekan pakerdjaännja, telah akoeh teroes-terang bahoea itoe masakan ada kerdiaännja Moerhaja, Joesoef poenja koki moeda. Sedari itoe waktoe Darmo dapet napsoe keras aken liat begimana matjemnja itoe Moerhaja jang mempoenjai kapandean masak begitoe baek. Sasoedanja abis dahar, Darmo sengadja djalan boelak-balik ka kakoes dan kamar mandi, jang maksoednja hanja melinken maoe tengok matjemnja itoe koki moeda. Koetika satoe kali la liwatken dapoer, ia dapet tengok Moerhaja sedeng berdiri deket pintoe, dan waktoe begitoe, parasnja tida koesoet seperti sabelonnja ia mandi dan berdandan, hingga ia poenja paras jang biasa katoetoepan sawang asep dan ramboetnja jang biasa awoet-awoetan lantaran tida diperdoeliken, itoe waktoe ada ada kaliatan beres dan parasnja kallatan njata.
Darmo dapet liat potongan moekanja Moerhaja jang tiroes, idoengnja lang bangir, moeloetnja jang ketjil, serta alisnja jang melengkoeng sebagi boelan sabelab, di bawah mana ada bertachta sapasang mata jang mempoenjal sorot aloes, terhias dengen la poenja boeloe mata jang lentik. Koelitnja Moerhaja ada poetih, maskipoen tida terlaloe poetih seperti Marsina. Oemoernja Moerhaja poen baroe 17 taon. Itoelah pertama kali jang Darmo dapet liat pada Moerhaja, sedari waktoe mana Darmo djadi selaloe jakinken boeat dapet tillk lebih sam-
