Lah naiak si Umbuik Mudo satu naiak injo manjambah manjambah kopado gurunjo:
Dari dusun ka Situdjuah
Sirauik parambah paku
Paku digulai kapabuko
Disusun djari nan sapuluah
Ditakuakan kapalo nan satu
Diundjuakan lutuik nan duo
Bakato guru si Umbuik sabanjak ikolah urang lai sapanuah rumah nan djauah urang lah datang nan hampia uranglah tibo awak hang sadjo nan tak tampak awak hang sadjo nan tak kamari apo djuo nan hang tjari apo man hang tuntuik tjubo katokanlah kahambo.
Mandjawab si Umbuik Mudo kok itu guru tanjokan ukan toh hambo kamano mano hambo pai badagang hambo lah pai mangadiji pai mantiari lagu Masia sabab itu lambek hambo datang karano lambek den kamari.
Bakato guru si Umbuik o bujuang si Umbuik Mudo taro awak hang balun datang sabalun awak hang kamari banjaklah surek nan tabatjo banjaklah kitab nan takadji banjaklah lagu den dangakan tjubokan pulolah lagu hang nan dituntuik kanagari urang.
Mandanga kato nan bak kian dipanggangnjo kumajan putiah asok mandulang ateh langik harum satahun padjalanan mangadji si Umbuik Mudo dibaokan lagu Masia lah duo banta injo malagu jan kan urang kababuni lantai mandatiak lai tidak moalim nan sabanjak itu tuanku nan baratuih ratuih ha bih tangango samonjo dek elok lagu si Umbuik.
Lah tigo banta injo malagu turunlah Puti nan batudjuah Puti batudjuah badunsanak kamanakan dek gurunjo rantjak nan bukan alang2 elok nan bukan ulah2 maha Radjo kadjodonjo sukarlah Sutan kaban
