1053
laloe doedoek sekoetika serta mengitoeng ramalnja.
Maka satelah soeda di lihatnja dalem ilmoe pirasatnja itoe, maka laloe pergi di atas goenoeng Arboe Giri namanja, serta doedoek pada Goenoeng itoe ia mlakoeken dirinja sebagi lakoe orang pertapa-an, maka denger sekoetika itoe djoega datenglah Mahradja Peraboe Gangga Maja Sakti, serta soedjoed menjembah kepada kaki Mahradja Dewa itoe.
Satelah itoe maka orang toewa itoepoen poera poera terkedjoet, serta memboeka matanja, seperti lakoe orang jang baki, serta katanja: Hai tjoetjoekoe, siapakah toewan ampoenja nama, den dari mana toewankoe dateng, den apakah moelanja toewan sampe kemari.
Sasadoehnja itoe maka Mahradja Djin itoepoen berdateng sembah: ja toewankoe dengen seriboe ampoen, bahoewa hamba ini saorang jang sasat lagi sanget daroeratnja, den nama hamba Peraboe Gangga Maja Sakti, den datengnja hamba dari tanah Djin, sebab hamba ini sampe kemari lagi sedang di boewatnja pemboeroe atawa diboewatnja kerbau djara oleh Mahradja Widanta Sakti, maka itoelah sebabnja hamba djadi sampe kemari.
Maka kata orang tapa itoe, ja anakoe moeda jang boediman, apa sebabnja: makanja toean boleh mendjadi selakoe demikian, den lagi dia itoe berlainan bangsa kepada Dewa, mengapa anakoe di boewat jang demikian.
