1982
kedjoetlah serta aken berdebar pada hatinja itoe serta katanja wai adinda mas tempawan taoenja toean dateng kemari pada malem hari ini tida kah toewan takoet, dan mendjadi toewan berani djalan di dalem kampoeng orang desa ini apalah jang toewan kenangken makanja toewan selakoe jang demikijan ini.
Maka toewan poetri Maal Djamdjam Seri Negara poen sangat soeka mendengar kata kekasihnja itoe, serta bersair demikijan boenjinja.
Dasarnja beta orang bijasa,
Mendjalani kampoeng melanggar desa,
Lagipoen tida beberapa soesa,
Tidalah takoet roesak binasa.
Sebab terkenang di dalem hati,
Masaken takoet berdjalan mati,
Kasi adinda soedanin pasti,
Tidalah takoet di laoet api.
Sebab teringat tatkala jang soeda,
Demikijanlah djadinja jang telah ada,
Djikaloe tida sebab aken kakanda,
Tida sampe kemari rasa adinda.
Menoeroetken hati sampe kemari,
Tida merasa takoet dan ngeri,
Dari pikiran diri sendiri,
Djadi berdateng djoega di malem hari.
