173
Orang-orang disitoe ada berkoempoel dan sabantar-sabantar soerak-soerak dari girang ataoe menjasal. Dia-orang mengidari medja ketjil dimana banjak orang-orang ada doedoek main top, jang djikaloe di liat dari pakeannja boekan orang-orang jang baik adanja.
Adapoen banjak medja jang penoe tertoetoep dengan oewang dan soesoenan mas, jang mana itoelah mendjadi Fo-Hop lantas dapat ingat jang boekan sadja dia dan Ming jang berpake pakean tjara orang mardika soeda masoek dalam roema petopau itoe.
Sasoedanja Fo-Hop dan Ming berdjalan koeliling dalam itoe kamar dan soeda melia satoe-satoe poenja moeka maka tiada satoe jang kadapatan ada sama dengan itoe roepa jang mana njonja Liou soeda kasi kapada dia-orang; kapala policie dan president itoe berdesak di antara orang-orang jang ada berdjedjer pada satoe medja ketjil, dimana tjoema ada doea orang sadja jang bermaen top, tetapi doea orang ini poenja permaenan ada kalebi-lebian sekali, karna banjak orang jang toeroet pada doea orang itoe ada dengan pengharapan kamenangan dan membraniken moesoe-moesoenja dengan soeara jang kras.
Satoe dari itoe orang-orang jang bermaen ada satoe orang moeda, tetapi njata sakali jang dia soeda djadi patopan besar karna moekanja tiada sedikit beroba akan penjasalan.
Pada satoe-satoe kali pasang, djadi itoe soesoenan mas dan perak jang ada di hadapannja bertamba-tamba dan menangnja dia tarik dengan mesam bibirnja, jang njata
