180
— Saija tiada boleh bikin itoe karna ada doea sebabnja: pertama, sebab angkaoe soeda menjatakan jang angkaoe soeda membri poetoesan hoekoem pada pemboenoe jang benar, dan kadoea sebab itoe kadjahatan soeda di boeat di loear kotta, itoe maoe kata, pada satoe tampat jang djarang di datangkan oleh Sang poenja hamba-hamba.
Dengan tentoe Ming soeda maoe toendjoek jang itoe doea sebab, barangkali dia berdoea sama sadji koerang trang, djikaloe Sonn Po soeda tiada datang bilang jang toekang minta minta jang di soeroe kasi taoe radjanja soeda balik kombali.
Maka orang itoe soeda berdjalan tjepat, boleh liat jang itoe ada satoe tanda jang baik, dan bagitoe dia sampe pada teman-temannja lantas dia kasi parenta akan kasi djalan pada itoe orang-orang jang datang melantjong dan toendoek dengan hormat di moekanja Fo-Hop dan Ming dengan membilang jang dia-orang bole toeroet kapadanja.
Lima menit komediannja, hakim dnn kapala policie sampe di pengabisan djalan dan liwat lapang jang belon taoe di liat, dimana radja orang-orang toekang minta-minta poenja roema adanja.
Itoe lapang ada ampat pesagi dan di idari oleh roema-roema ketjil jang kaliatan hina sakali dan di tenga-tenga itoe ada satoe pondok besar seperti satoe pasar ketjil.
Disitoe sedikitnja ada ampat ataoe lima ratoes toekang minta-minta jang di antaranja ada terbagi satoe-satoe koempoel.
