181
Jang satoe lagi isap roko tiada bitjara satoe pata, jang lain lagi makan, maen top ataoe boengkoes loeka-loeka jang mana dia orang sengadja bikin sopaija boleh minta minta akan kahidoepannja.
Babrapa lantera-lantera jang ada tergantoeng di balok-baloknja itoe pondok serta lagi satoe doea obor jang di tantjap di tana sadja ada menerangkan itoe tampat-tampat.
Salagi Ming pareksa samoea itoe orang-orang, jang ada roepa-roepa ka-ada-annja, seperti jang tinggi besar, jang katé, jang pintjang, jang tangan satoe, jang bongkok, jang mata satoe, jang mata boeta, jang sakit koesta dan jang loempoe, adalah dalam pengharapan jang dia di antara dia-orang boleh katemoe Tchou toekang potong itoe, sebab dia ingat soeda dapat liat kabanjakan dari itoe orang-orang poenja penjakit ada poera-poera sadja dan sasoenggoenja jang itoe orang-orang ada bersoeka-soeka hati.
Ming taoe tentoe jang dia soedi liat baik-baik jang ada satoe toekang minta-minia jang bongkok sakali dan kakinja terpoekoel satoe sama lain. Orang itoe lebi doeloe soeda merajap seperti kapiting di hadapan kakinja, tetapi dalam sabantaran itoe toekang minta-minta soeda berdiri lempang seperti satoe lilin dan moelai bertandak-tandak akan bikin lemas kakinja.
Soenggoepoen Ming soeda djadi heiran boekan sedikit, tetapi itoe kaheiranan soeda tiada larang dia akan toeroet pada temannja dan bagitoe dia maski tiada dapat satoe apa jang dia tjari, soeda sampe di oedjoeng-
