5
kamar besar jang disewa oleh Onj Ban Kim dan laen-iaennja, dalem mana ada ditaro djoega itoe barang-barang soetra dan itoe tiga peti perak ; Ong Ban Kim lantas oendang Tio Beng bersama anem penggawenja doedoek makan dan mjnoem. „Ini hari akoe sengadja oendang toean Tio dan toean-toean sekalian," kata itoe soedagar, „perloenja boewat menjataken akoe poenja trima kasi atas toean-toean sekalian poenja djasa dan katjapean di sapandjang itoe perdjalanan jang; djaoe, tapi semoeanja lelah diliwatin dengen slamat dan tida koerang satoe apa. Maka ini hari kita boleh makan dan minoem sampe poeas " „Maaf, toean Ong," memotong Tio Beng dengen bersenjoem," kaloe akoe mamegat kaoe poenja kahendakan dan mengilangken kaoe poenja kagoembirahanIni waktoe masi belon sampe temponja boeat oen^ djoek kagirangan dan kasi gandjaran pada kita orang, sebab perdjalanan dari sini ka iboe kota provincie Thay-goan, biar poen tjoema doea ratoes lie djaoenja^, tapi toch lebih doeloe moesti meliwatin goenoenggoenoeng Thay-heng-san jang tinggi dan oetannja lebat. Akoe memang mengharap soepaja kita bisa sampe ka Thay-goan dengen slamat dan tida ketemoeken halangan apa-apa, tapi pada sabelonnja itoe, senantiasa moesti berhati-hati sekali, sedikit poen tida boleh berlakoe tjerobo. Oleh itoe djoega, akoe tjoema idjinken akoe poenja penggawe-penggawe minoem tiga tjawan arak, lebih dari itoe tida boleh !" Sahabisnja berkata begitoe, tempat arak dengen memboeka isinja ka djoeroesan idoengnja, ka dalem iapoenja tjangkir dan
lantas ia preksa itoe toetoepnja dan tjioem kamoedian ia toeang liat warnanja itoe arak.
