-13-
boekti-boekti, kamoedian sasoedanja semoea boeki linjap, lantas ia pinda ka laen tempat. Oleh kerna itoe djoega, di antara golongan kaoem lioklim kasi ia djoeloekan Tjio-bian-giam-ong, sebab dengen moeka bersenjoem-senjoemia ambil laen orang poenja djiwa dan berikoet harta miliknja
Pada waktoe Tjio-bian giam-ong Goei Soei Hong beroemoer limapos loeh taon, lantaran merasa kado sahannja soeda terlaloe banjak, dan djoega hasilnja dari iapoenja pakerdjahan doerhaka soeda bisa mengasi katjoekoepan boeat iapoenja bekel penghidoepan di hari toewa, dari Anhoei di mana ia lakoeken pakerdjahannja jang terkoetoek paling blakang - ia pinda ka Sansee, memboeka itoe roemah makan Wat-pin-tiam di Tjim-goan-koan. Sedari itoe Wat-pin- koan dioesahaken selamanja tida taoe melakoeken pakerdjahan jang doerhaka, katjoeali satoe kali ini begitoe poen atas permintahannja It Kie Tho jang sangat.
It Kie Tho tjoema ada satoe nama pojokan sadja, sebab pada saban kali ia melakoeken perampokan atawa poen pemboenoehan, selamanja ia soeka tinggalken satoe tanda dari jap dengen poepoer jang meroepaken setangke boengah tho. Sedeng It Kie Tho poenja nama jang sabetoelnja Ouw Koei Boen Dari mana asal oesoelnja orang tida taoe dengen betoel. Sebab iapoenja lagoe bitjara tida tetep, şebentar ia bisa bitjara seperti pendoedoek selatan, sabentar ia bisa bitjara seperti pendoedoek Oetara; malah siapa goeroenja dan termasoek pada tjabang mana, tida ada satoe orang jang taoe.
It Kie Thio moelai moentjoel di Sansee, kamoedian kadengeran ia melakoeken djoega perampokan di bilangan Holam, sahingga ini tjerita dimoelai, baroe sadja
