— 15 —
ngan orang jang ia koentit aken ambil djalan aer di sapandjang soengei Tjim-ho, It Kie Tho mendoeloein menjebrangin soengei koening dan mendarat di district Tjimgoan.
It Kie Tho lantas minta bantoeannja Goei Soei Hong soepaja bisa merampas barang-barang tanggoengannja Tio Seng; tapi Tjio-bian-giam-ong merasa djerih pada Hek-hoei-houw jang namanja begitoe termashoer dan ditakoetin banjak orang, tapi achirnja ia kena djoega diboedjoek, sebab It Kie Tho djandjiken bagi doewa hasilnja itoe perampokan. Begitoelah Goei Soei Hong berdaja sabisanja soepaja Tio Beng dan kawan-kawannja menginep dalem iapoenja hotel. Oleh kerna memang djoega iapoenja hotel jang paling besar dan paling baek soeda tentoe sadja dengen gampang Tio Beng tertarik boewat menginep di Wat-pin-tiam.
Kabetoelan sekali Ong Ban Kim pesen satoe medja makanan dan minoeman, laloe Goei Soei Hong ijampoerin iapoenja obat poeles —tjoei-ma-yo ka dalem arak dan djoega bebrapa roepa makanan. Malah blakangan lantaran meliat Tiong Beng tida maoe minoem arak sama sekali, lantaran koewatir itoe toekang popio tida djato poeles dalem aer thee jang medok. Kasoedahannja, boekan sadja Ong Ban Kim dan itoe anem penggawe dijadi djato poeles, malah Tio Beng jang terliti dan senantiasa berhati-hati djoega terkena pengaroenja itoe obat.
It Kie Tho dan Goei Soei Hong lantas mengorek djendela dengen marika poenja golok, dan dalem sedikit sa’at kamoedian iaorang soeda berada di dalem itoe kamar besar. Lebih doeloe iaorang pergi ringkoes kaki tangannja Tio Beng dengen bebrapa tambang basa, kamoedian ringkoes djoega itoe anem
