23
Dalem sedikit sa'at sadja kaliatan ada bebrapa orang jang oedjoek roepanja di atas itoe praoe sembari tjelingoekan meliat ka segala djoeroesan.
„Toeloeng! toeloeng! berseroeh lagi Tio Beng, ltoe bebrapa orang lantas memboeroe ka itoe djoeroesan di mana Tio Beng lagi pegangan pada pinggirnja praoe. Achirnja Tio Beng soeda diangkat ka atas itoe praoe besar. Dengen ringkes ia tjeritaken apa jang soeda terdjadi atas iapoenja diri, dan dengen berdasar sama keada'an perkara, ia mendoega bahoewa dirinja telah ditjemploeng ka dalem aer tida terlaioe djaoe dari itoe Tjip-lioe-tan, begitoe poen iapoenja kawan-kawan jang laennja, maka ia minta soepaja itoe praoe soeka brangkat memberi pertoeloengan pada iapoenja kawan-kawan jang laennja di sabelah bawahnja itoe aliran aer jang deres.
Itoe praoe besar ada moewat satoe soedagar thee jang djoega maoe angkoet barang dagangannja ka Thaygoan, dan soeda tentoe sadja ada membawa bebrapa toekang popio boewat melindoengin iapoenja barang-barang, dan itoe toekang-toekang popio koetika mendenger ada bebrapa kawan sadjabatnja jang mendapet soesa, terlebih lagi satoe di antaranja ada Hek-hoei hcuw Tio Beng, soeda tentoe sekali iaorang mesti memberi pertoeloengan. Laloe iaorang damiken itoe oeroesan sama itoe soedagar thee, tapi ia itoe
tjoema satoedjoe sadja boeat menoeloengin orang, tapi sama sekali tida satoedjoe boewat bertempoer sama kawanan pendjahat. Begitoelah itoe praoe lantas didjalanken dengen memasang lajar dibantoe djoega dengen dorongannja gala-gala bamboe pandjang, sedeng di kiri dan kanannja itoe praoe ada dipasangin djaring djaring boewat menoeloengin pada laen-laen
