― 24 ―
kawannja Tio Beng jang didoega dianjoetin djoega oleh itoe kawanan pendjahat.
Betoel sadja telah dapet didjaring bebrapa badan orang jang anjoet, tapi di antaranja tjoema tiga penggawenja Tio Beng jang masi bernjawa, sebab jang laen laennja tida bisa bernang dan soeda kabanjakan minoem aer, hingga djiwanja tida bisa katoeloengan. Itoe praoe besar jang berat lama sekali berkoetetan boewat madjoe di antara itoe Tjip-lioe-tan jang memang aernja sanget deres, mendadak djaring jang dipasang di sabelah kiri telah dapet djaring lagi satoe badan manoesia, jang koetika diangkat ka atas praoe ternjata boekan laen dari Ong Ban Kim.
Beroentoeng bagi ini soedagar, pertama lantaran ia masi mabok keras, kadoea lantaran ia anjoet belon terlaloe lama, hingga iapoenja peroet tida terlaloe banjak kemasoekan aer, dan itoe waktoe masi bernapas sekali poen ada lemah sekali, toch ada banjak pengharepan boeat katoeloengan djiwanja Tio Beng lantas kasi pertoeloengan jang perloe, kaloewarken itoe aer dari dalem itoe soedagar poenja peroet, kamoedian gerakin kaki tangannja dengen satoe tjara boeat menoeloeng orang jang baroe abis kalelep dari aer. Achir-achir Ong Ban Kim poenja djiwa bisa direboet dari tangannja malaekat elmaoet, biar poen ia masi tinggal pangsan.
Di laen fihak itoe praoe berkoetet teroes boeat liwatin itoe aliran aer soengei jang deres; tapi berhoeboeng dengen besarnja itoe praoe dan djoega moewatannja berat, maka kemadjoeannja ada sanget perlahan. Koetika itoe praoe besar soeda bisa liwatin itoe Tjip-lioe-tan, ternjata praoenja Goei Soei Hong. It Kie Tho. c. S. soeda tida keliatan lagi bajang-bajangannja. Semoea anak praoe merasa sangat lelah
