— 25 —
dan menoelak boeat meneroesken perdjalanan, hingga itoe praoe besar lepas djangkarnja di satoe tempat jang aernja perlahan, terpisa kira-kira satengah lie dari Tjip-lioe-tan.
Tio Beng oendjoek paras moeka jang merasa sänget mendongkol, kerna baroe satoe kali ini ia moesti alamken kagagalan jang begitoe heibat, sebagi satoe toekang popio jang ternama dan terindah, ia merasa ketjiwa sekali dengen terdjadinja itoe hal.
Itoe soedagar thee poenja toekang popio sama sekali ada delapan orang, doea jang mendjadi kapala dan anam penggawe. Itoe doea jang mendjadi kapala masing-masing bernama Lioe Kie Boe dan Lioe Kie Giap, jang bersoedara satoe dengen laen. Ini doea soedara Lioe ada toekang popio jang sanget ternama di bilangan Anhoei, tapi iaorang baroe sadja mendapet nama, kerna iaorang poen baroe sadja melakoeken pakerdjahannja satoe taon, hingga biar poen iaorang denger namanja Tio Beng jang besar, tapi belon perna bertemoe moeka atawa poen berkenalan. Itoe waktoe satelah praoe soeda berlaboe dan ka'adahan di atas itoe praoe djadi menoegoein Drig Ban Kim, siapa itoe waktoe masi tinggal tida inget orang.
Bagimana apa ia masi belon sedar djoega, toean Tio ?“ menanja itoe doea soedara dengen berbareng.
Tio Beng tjoema mendjawab dengen golengan kapala dengen pikiran melajang.
Itoe doea soedara Lioe mengarti kadjengkelannja Tio Beng, maka sabisanja iaorang rnenghiboer dengen perkatahan manis.
