- 27 -
dalem masakan atawa poen dalem aer thee. Menoeroet akoe poenja pendengeran, katanja tjoema Tjio-bian-giam-ong Goei Soei Hong poenja ma tjoei yo sadja jang bisa selomotin sasoeatoe orang jang paling oeloeng dalem kalangan kang-ouw; tapi akoe denger Goei Soei Liong soeda lama tida kadengeran lagi kabar tjeritanja. Apa bisa djadi jang lakoeken ini kadjahatan ?”
„Prihal Goei Soei Hong paling blakang kita denger pada lima taon berselang di Haphoei dalem kita poenja provincie,” kata Lioe Kie Boe. „Banjak orang menaro sangka’an djelek pada roemah makan jang ia boeka, tapi dalem waktoe jang betoel, koenjoeng-koenjoeng itoe roemah makan ditoetoep, hingga orang tida bisa boektiken atas itoe sangka’an-sangka’an djelek. Moelai dari itoe waktoe orang tida denger apa-apa lagi prihal Tjio-bian-giam-ong. Tapi djika obat poeles jang bisa ditjampoer dalem segala makanan dan minoeman dengen tida kentara, memang djoega tjoema Goei Soei Hong poenja ma-tjoel-yo sadja jang paling sampoerna. Sekarang akoe tida aken merasa heran lagi djika Tio toakoe soeda kena diselomotin, kerna telah mendjadi korbannja Tjo-bi-an giam-ong Goei Soei Hong”
Tio Beng mendapet djoega sedikit hiboeran koetika mendenger itoe omongan, kerna dengen sasoenggoenja djoega toe ma-tjoei-yo jang digoenaken oleh Goei Soei Hong tida gampang boewat dikatahoei, hingga kaloe ia sampe kena terdjebak, itoelah boekannja satoe hal jang terla Joe boleh diboewat maloe.
„Sabentar siang kita aken njataken apa itoe hotel Wat-pin-tiam dioesa haken oleh Goei Soei Hong atawa boekan. Tjoema heran sekali djika dalem sebegitoe banjak taon lamanja ia tida kadengeran
