Apa engko’ bisa ngako tolèsan è Wikipèḍia rowa tang anḍi’?
Sèttong parkara sè kodhu èpahamè iyâ arèya sèpat ḍhâsarra Wikipèḍia sè bisa èbeccè’ bi’ sapa bhâi. Ènga’ apa lanjhângnga serradhân sè sampèyan bhâbhâd, bhâkal bâḍâ orèng laèn sè ngembângaghi serradhânna. Dhâddhi, sanèyap serradhân è Wikipèḍia rowa èka’anḍi’ abhâreng bân ta’ kennèng èka’anḍi’i otabâ èyako bi’ sapa bhâi. Alasân laènna iyâ arèya ma’lè serradhân è Wikipèḍia ta’ coma aèssè sèttong paddhu pangabâsân bhâi bân kasatèmbhângan serradhân è Wikipèḍia teptep tajâgâ.
Salaènna rowa, Wikipèḍia aghuna’aghi lisènsi tebukka’ è sanèyap èssèna. Lisènsi tebukka' iyâ arèya lisènsi sè maghâmpang pangangghuy bân sè anḍi’ kontèn ghâbây adhu’um bân ngangghuy jâ-karjâna. Lisènsi tebukka' sè èghuna’aghi è Wikipèḍia iyâ arèya Lisènsi Creative Commons Atribusi-Berbagi Serupa 3.0. Mon terro taowa bhâb lisènsi rèya, sampèyan èntarè bhâi situssa è:
creativecommons.or.id
JHÂ’ METTHÈK ḌÂRI WIKIPÈḌIA!
17
