Arapa ma’ bâḍâ Wikipèḍia bhâsa ḍaèra? Ḍâ’remma carana ma’addhek? Bân apa tojjhuwânna?
Wikipèḍia bhâsa ḍaèra è Inḍonesia kennèng èyartè’è mènangka Wikipèḍia sè ngangghuy bhâsa-bhâsa sèèkacaca è Inḍonesia, salaènna bhâsa Inḍonesia mènangka bhâsa nasional.
Wikipèḍia bhâsa ḍaèra sè palèng awwâl terbi’ iyâ arèya Wikipèḍia bhâsa Jhâbâ sè molaè èbhâbhâd è taon 2004 bi’ Revo Arka Giri Soekatno. Revo kèya sè abhâbhâd Wikipèḍia bhâsa Inḍonesia è taon 2003.
Revo ngangghep mon pangataowan kodhuna ta’ pèra’ è bhâsa Inḍonesia bhâi, tapè kodhu bâḍâ è bhâsa-bhâsa laèn sè èkacaca è Inḍonesia kèya, polana pangataowan arèya ha’na yapnèyap orèng.
Terbi’na Wikipèḍia bhâsa Jhâbâ pas noraè Wikipèḍia è ḍâlem bhâsa ḍaèra sè laèn, akadeng bhâsa Nias, Gorontalo, Banjar, bân Madhurâ.
Salaènna arowa, ka sè aktif adhurrun è Wikipèḍia bhâsa ḍaèra, nolès bân meccè’ serradhân è Wikipèḍia bhâsa ḍaèra aropa’aghi sala sèttong èhtèyar ajâgâ bhâsa ma’lè teptep
langgheng.
JHÂ’ METTHÈK ḌÂRI WIKIPÈḌIA!
21
