Pas apa bhidhâna Wikipèḍia bi’ ènsiklopèḍia biyasa?
Wikipèḍia tasaḍiyâ è ḍâlem jhâringan (ḍâring). Sabelluna bâḍâ Wikipèḍia è taon 2001, pajhât ella bâḍâ ènsiklopèḍia sè tasaḍiyâ cara ḍâring, tapè ghi’ èyojhi oddhi bân ta’ sarajâ Wikipèḍia.
Wikipèḍia asèpat tebukka'. Wikipèḍia dhâddhi rajâ satèya rèya karna sèpatta sè tebukka'. Tebukka' arèya artèna sapa bhâi bisa nambâ bân ngobâ èssèna (tantona sapa bhâi sè anḍi’ sambhungan ḍâ’ internèt).
Wikipèḍia tasaḍiyâ è ḍâlem cem-macemma bhâsa. Ta’ paḍâ bi’ ènsiklopèḍia laèn sè lomra pèra’ tasaḍiyâ è sèttong bhâsa bhâi, akadhi bhâsa Inḍonesia otabâ bhâsa Inggris, Wikipèḍia tasaḍiyâ è bânnya’ bhâsa ḍaèra, akadhi bhâsa Nias, Gorontalo, Banjar, Madhurâ, bân èn-laènna.
Lomrana, Wikipèḍia anḍi’ 5 prinsip otama (è Wikipèḍia, kalèmana ghellâ’ èkoca’ panca-pilar) sè wâjib ètoro’è bi’ sakabbhina vèrsi Wikipèḍia kangaè arè satèya, iyâ arowa:
Aropa’aghi sèttong ènsiklopèḍia
Kennèng èbeccè’ bi’ sapa bhâi
Asèpat ta’ berrâ’ salajâ (nètral)
Pèra’ narèma èssè sè alisènsi tebukka’
Anḍi’ atoran bân kabijâghân sè èyejjâbhi areng-bhâreng.
Vèrsi ghenna’na, sampèyan bisa mokka’ pranala:
bit.ly/pancapilarwiki
ꦗꦃꦩꦼ ꦺꦠꦏꦫꦶ ꦮꦶꦏꦶꦺꦥꦝꦪ
2
