4
pagi sampe sore dengan tiada brentinja, maka Tio Loet poenja peroet djadi sakit masoek angin kerna lapar, lantas Tio Loet ambil sedikit kaioe teroes dja- lan poelang.
Tjerita istrinja Tio Siang Kok itoe selagi doedoek dalem roemahnja, dapet liat jang Tio Loet poelang bawa kaijoe sedikit, laloe mendjadi marah dan tiada di kasi makan. Maka Tio Loet itoe liat iboenja marah dengan tiada dapet makanan, lantas sadja Tio Loet masoek ka dalem kamarnja dengan sedih; pada malem itoe Tio Loet mendapet sakit lantaran peroetnja lapar.
Tjerita Tio Seng Ke dapet taoe jang engkonja sakit ada dalem kamar dengan tiada di kasi makan, lantas Tio Seng Ke ambilin roti kering bersama sedikit daging bawa masoek di kamarnja Tio Loet, sampe di tempat engkonja laloe bertanja: engko poenja sakit pegimana, apa engko poenja peroet lapar?
Lantas Tio Loet berkata: ade dan mapa da- teng, apa iboe tiada taoe jang ade kemari? dan harep ade djangan kasi taoe jang saija poenja peroet lapar, kerna kendatinja saija lapar tiada kenapa dan djoega tiada mendjadi mati.
Tio Seng Ke dengar engkonja bilang begitoe, lantas berkata: engko poenja badan terlaloe lembek dimana bisa tahan pegi ambil kaijoe di oetan terlaloe banjak, maka nanti besok pagi saija maoe toeroet engko pegi di oetan boeat bantoe ambil kaijoe, soe- paja bisa dapet banjak.
Maka Tio Loet dengar begitoe, lantas mendjadi kaget, laloe berkata: pegimana ade bisa toeroet mengambil kajoe di dalem oetan, sebab ade di soeroeh taktje dan tiada di kasi koelilingan.
Tio Seng Ke berkata poela: dari itoe engko troesa kwatir, kerna saija sanget maoe bantoe engko pegi ambil kaijoe. Sasoedabnja Tio Seng Ke abis bitjara laloe pegi di kamarnja sendiri.
Tjerita besok paginja Tio Seng Ke mengambil kampak dan pergi soesoel engkonja. Sampe sa- tenga djalan bertemoe engkonja itoe, maka Tio Loet liat adenja dateng manjoesoel padanja, laloe di soeroe poelang kembali. Begitoe djoega Tio Sengj Ke tiada brani bentahan lantas berdjalan poelang dianter dengan engkonja.
