13
katoembar, lada, koenjit, seré, langkowas; kemiri tiga bidji, daon djeroek poeroet, giling biar aloes, kaloe soedah aloes ambil bawang merah lima atau anam bidji, bawang poeti doea sioeng, (sebab dalem satoe bawang poeti ada banjak sioeng) iris aloes-aloes, kaloe soedah aloes, taroh satoe kwali di api sama sedikit minjak klapa, goreng itoe bawang sampe koening, kaloe soedah koening taroh sepottong ketjil trasi, lantas taroh itoe boemboe boemboe jang soedah di giling, adoek baik-baik, lantas taroh itoe boemboe boemboe jang soedah di giling, adoek baik-baik, lantas taroh itoe santan jang entjer, lantas taroh itoe ajam jang soedah di pottong-pottong atau daging, masak sampe matang, kaloe soedah matang, taroh garam sama itoe santan jang kentel, adoek-adoek, lantas angkat.
Lain roepa Ajam atau Ikan.
Ambil satoe ajam, bikin bresih, pottong-pottong, boemboenja, djinten, ketoembar, lada, koenjit ampat atau lima iris, taroh di kwali di api, adoek adoek sampe panas sekali, giling atau toemboek, aloes sekali, iris bawang poeti, bawang merah, taroh minjak klapa sedikit di kwali, goreng itoe bawang sampe koening, soedah koening taroh aijer kira sampe, lantas taroh itoe ajam, masak ampir matang itoe ajam, taroh garam.
