86
klapa, goreng itoe boemboe-boemboe, kaloe soedah di goreng, taroh itoe santan jang entjer, lantas taroh itoe ajam jang soedah di panggang, masak sampe matang, taroh itoe santan kentel, adoek-adoek sampe kentel angkat.
Lain roepa.
Itoe ajam kaloe soedah bresih panggang, abis pottong-pottong; boemboenja bawang merah, seré, langkowas, bawang poeti, tjabe, daon djeroek poeroet, djinten, katoembar, lada, garam, giling biar haloes, ambil satoe, klapa, paroet, separonja taroh satoe kwali goreng sampe koening, goreng, lantas toemboek haloes, tjampoer sama itoe boemboe jang soedah di giling, itoe separo klapa peras, taroh aijer satengah mangkok, ambil santan kentel, taroh satoe kwali sama minjak klapa, goreng itoe boemboe, lantas taroh itoe ajam jang soedah di panggang, lantas taroh itoe santan kentel, adoek-adoek sampe matang angkat.
Setan.
Pottong-pottong itoe ajam seperti lapis, abis panggang di api satengah matang, kaloe soedah, ambil tjabe barang sapoeloh bidji, dan bidjinja misti kasih kaloear dahoeloe; kaloe soedah, ambil bawang merah dan bawang poeti, abis giling haloes, taroh moestardi dan adoek baik-
