Sekapur Sirih
“Cubadak dalam balango,
masak sanjo dimakan pagi,
dimakan anak Parak Jua.
Aso Adat dio Limbago,
pakaian kito di nagari,
binguang jo mikin jan tajua”.
"Pancaringek tumbuah di paga,
pugago tumbuah di bawah nangko.
Ingek-ingek urang nan tingga,
Jago Adat dangan Pusako”.
“Bakarih duo basilang,
pakaian Parpatiah jo Katumanggungan.
Adat nan kawi jikonyo hilang,
lapeh nagari dari ganggaman".
"Baparak ka parak urang,
indak buliah batanam tabu,
nan anjalai dibubuiknyo.
Ba Mamak ka Mamak urang,
Indak buliah tampek mangadu,
nan salasai dipakusuiknyo”.
Samaso jaman nan lah lampau — hari nan gatok-gatok paneh — gabak di hulu manganduang hujan. Dek ba Mamak ka Mamak urang — kapado Buayo Putiah Daguak — binaso Adat rusak Limbago -—- kapeh nan indak jadi banang — turak mananti lapuak sajo.
Jaman batuka musim baraliah — gadang galodo dari hulu — sadang tapian baratjah pulo — mambantang cewang dari langik — Sampai bak bida urang tuo :
i
