Paman dan kaponakan.
163
titanja Nabi. Sasoedanja djalanken itoe tita, ksu moesti balik kemari dengen ini senjjata jang moesti ada tanda dara. Akoe toenggoe kau balik dengen berdoa."
„Baek, pamankoe," menjaoet Chefket effendi jang trima itoe sendjata dan disemboeniken di dalem badjoenja. Kamoedian ia tjioem tangannja imam Reschid dan berdjalan kaloear menoedjoe ka tepi soengi Bosporus, di mana doea toekang praoe ada menoenggoe di dalem satoe kaik.
„Sekarang kita orang moesti brangkat," prenta Chefket, sasoedanja ia toeroen di itoe kaik. „Kita orang moesti pergi ka roemanja Mohamed Ali dan ambil djalan dari blakang di taman besar."
„Baek, etfendi," menjaoet itoe doea toekang praoe, laloe iaorang dajoeng kaiknja jang djalan di soengi dengen tiada berswara.
Itoe waktoe boelan baroe terbit. Di soengi Bosporus ada keliatan bajangan poehoen-poehoen dan tembok-tembok roema di pinggir soengi. Di darat dan di soengi ada soenget soenji. Kadangkadang dari djaoe ada kadengeran svvara piano dan laen pekakas muziek, dimaenken oleh njonja-njonja di Haremlik boeat hiboerken hati, atawa dimaenken oleh nona-nona moeda aken bikin senang hatinja eîfendi-effendi moeda jang doedoek plesir dengen minoem anggoer, kendati ini minoeman ada dilarang di kitab elkor'an. Tempo-tempo djoega ada kadengeran swaranja koetjing di tamannja segala pacha dan bei.
